Жаңалықтар

14.12.2017
Жеке куәлікті және шетелге шығу төлқұжатын қалай алуға болады?

Жеке куәлікті және шетелге шығу төлқұжатын беру бойынша мемлекеттік қызмет ең көп талап етілетін қызметтердің бірі. Ағымдағы жылдың 11 ай ішінде 1418050 жеке куәлік және шетелге шығу төлқұжаты берілді. Көрсетілген құжаттарды алу үшін азамат міндетті түрде келесідей қадамдарды атқару қажет: 1-қадам –ХҚКО-ның кез-келген фронт-кеңселеріне жолығу.
14.12.2017
БЖЗҚ-да Ашық есік күні өтті

2017 жылғы 12 желтоқсанда Бірыңғай жинақтаушы зейнетақы қоры (БЖЗҚ) филиалдарының барлығында «Зейнетақы жинақтарының сақталуына мемлекеттік кепілдік» тақырыбында Ашық есік күні өтті.
Бірыңғай жинақтаушы зейнетақы қоры зейнетақы жүйесіне қатысты мәселелердің заманауи жай-күйін салымшыларға түсіндіріп, халыққа насихаттауды жалғастыруда. Бұл жолы салымшылар үшін өзектілігі мен маңызын ешқашан жоғалтпайтын зейнетақы жинақтарының сақталуына мемлекеттік кепілдік тақырыбы алынды.
14.12.2017
БЖЗҚ зейнетақы активтерін шетел банктерінің депозитіне инвестициялай бастады

Бірыңғай жинақтаушы зейнетақы қоры зейнетақы активтерін шетел банктерінің депозитіне инвестициялай бастады. Жалпы инвест-портфельде олардың үлесі 5 пайызды құрап отыр. Жыл басынан бері қордың инвестициялық табысы 500 миллиард теңгеге жуықтаған. Ал, жеке зейнетақы шоты бар салымшылардың саны 10 миллионнан асқан. Бүгінде зейнетақы қоры электронды қызмет алу мүмкіндігін жетілдіруді қолға алуда. Қазір оның үлесі 40 пайызды құраса, 2021 жылы 55 пайызға жеткізу жоспарланып отыр. Осы мақсатта жыл аяғына дейін азаматтардың көрсетілетін қызметті қолжетімді ету үшін 10 шақты арнайы терминалдар қойылмақ.
14.12.2017
БЖЗҚ бөлімшелері 2017 жылғы 30-31 желтоқсан күндері жұмыс істейтін болады

«БЖЗҚ» АҚ 2017 жылдың 30 және 31 желтоқсаны күндері барлық операциялық бөлімшелердің таңғы сағат 9.00-ден 13.00-ге дейін жұмыс істейтіндігін хабарлайды. Басты мақсат – БЖЗҚ-дан зейнетақы төлемдерін алу құқығы 2018 жылдың 1 қаңтарына дейін туындаған немесе туындайтын салымшылардың осы төлемдерді рәсімдеу құқығын жүзеге асыру.
13.12.2017
АБАЙ, АҚЖАР, ТАССАЙ АУЫЛДЫҚ ОКРУГТЕРІНІҢ ЖАСТАРЫНА РУХАНИ ЖАҢҒЫРУ КЕҢІНЕН ТҮСІНДІРІЛДІ

«Хромтау аудандық ішкі саясат бөлімі» ММ-нің әлеуметтік тапсырысы аясында «Қайсар» патриоттық клубтар Лигасы жастар қоғамдық бірлестігі Абай, Ақжар, Тассай ауылдық округтерінде болып, 9-11 класс оқушылары мен ауыл жастарына Елбасының «Болашаққа бағдар: рухани жаңғыру» бағдарламалық мақаласын кеңінен түсіндіріп, жастармен еркін сұхбат жүргізді.
13.12.2017
ДӨҢ АУЫЛДЫҚ ОКРУГІНДЕ «ЖҮРЕГІМ ТОЛЫ МЕЙІРІМ» ҚАЙЫРЫМДЫЛЫҚ АКЦИЯСЫ ҰЙЫМДАСТЫРЫЛДЫ

Дөң ауылдық округінде Қазақстан Республикасының Тәуелсіздігінің 26 жылдығына орай Дөң орта мектебінде «Жүрегім толы мейірім», «Жақсылық жасауға асық» тақырыптарында қайырымдылық акциялары ұйымдастырылды. Мектеп қабырғасында білім алатын ата-анасының қамқорлығынсыз қалған, мүмкіндігі шектеулі, аз қамтылған отбасылардағы оқушыларға көмек көрсетіп, қол ұшын беру мақсатында өткізілген «Жүрегім толы мейірім», «Жақсылық жасауға асық» акцияларына Дөң ауылдық әкімшілігі мен Дөң орта мектебінің ұжымы белсене атсалысты.
11.12.2017
Музей халық жады, тарих қоймасы

Музей – ел тарихының қазынасы, халық мұрасының тұғыры.Тарихты игеру ең әуелі туған өлкесін танудан басталса әрбір адам өзі өскен жерін, ата-бабасы өмір сүрген жерлерін танымайынша,Отаншыл, елшіл, азамат болып қалыптасуы екіталай деп айтып жатамыз. Қадам бассаң қазына шығатын біздің өлкемізге , жерімізге тіл бітсе талай тарих шежіресі ашылар еді. Талай құпияның жұмбағы шешілер ме еді деп ойлаймыз.
11.12.2017
Жемқорлыққа қарсы күрескерлер «Азаматтарға арналған үкіметтің» басқарма төрағасын марапаттады

Халықаралық сыбайлас жемқорлықпен күрес күні «Жемқорлыққа қарсы бірінші медиа-форум» қоғамдық бірлестігі қоғамдық ұйымдар мен мемлекеттік органдар, сондай-ақ БАҚ өкілдерін «Қоғамдық құрмет-2017» ұлттық сыйлығымен марапаттаудың V рәсімін өткізді. «Саяси жігерлігі үшін» номинациясы бойынша мемлекеттік қызметтерді көрсету саласын жетілдіріп, сапасын көтергені және кері байланысты қамтамасыз еткені үшін «Азаматтарға арналған үкімет» мемлекеттік корпорацияның төрағасы Абылайхан Оспанов марапатталды.
11.12.2017
АЙМАҚ БАСШЫСЫ БЕРДІБЕК САПАРБАЕВ АУЫЛ ТҰРҒЫНДАРЫНА БЕРГЕН УӘДЕСІН ОРЫНДАДЫ

Хромтау ауданының әкімі Аманғали Бердалин арнайы жұмыс сапарымен Никельтау ауылдық округінде болды. Аудан басшысының тапсырмасымен Никельтау ауылдық округіне барған бірқатар аудандық бөлім басшылары ауыл тұрғындарына қабылдау өткізіп, базынасын тыңдады. Жұмыс сапары барысында аудан басшысы Аманғали Бердалин никельтаулықтармен кездесу өткізіп, ауылда атқарылған жұмыстар мен алда жасалатын жұмыстарды тілге тиек етті.
11.12.2017
№4 ХРОМТАУ ОРТА МЕКТЕБІ «ҮЗДІК КОМАНДА» АТАҒЫНА ИЕ БОЛДЫ

№6 Хромтау гимназиясының базасында Республикалық олимпиаданың аудандық кезеңі өтті. Республикалық олимпиаданың аудандық кезеңінде орта мектептер арасында «Үздік команда» атағына ие болған №4 Хромтау орта мектебі мен мектеп директоры Болатбек Дүйсенбин «Хромтау аудандық білім бөлімі» ММ-нің атынан арнайы алғыс хатпен марапатталды.
09.12.2017
ТӘУЕЛСІЗДІК КҮНІ МЕРЕКЕСІНЕ ОРАЙ БІЛІМ БЕРУ ҚЫЗМЕТКЕРЛЕРІ АРАСЫНДА ШАҒЫН ФУТБОЛДАН ӨТКІЗІЛГЕН ЖАРЫС ӨЗ МӘРЕСІНЕ ЖЕТТІ

Хромтау аудандық білім беру қызметкерлерінің кәсіподақ ұйымы мен «Хромтау аудандық білім бөлімі» ММ-нің ұйымдастыруымен Тәуелсіздік күні мерекесіне орай білім беру қызметкерлері арасында шағын футболдан өткізілген жарыс өз мәресіне жетті. Білім беру қызметкерлері арасында 2 күн бойы 12 команда теңбіл допты ұршықша иіріп, тартысты ойын көрсетіп, өзара бақ сынасты.
08.12.2017
ТӘУЕЛСІЗДІК КҮНІ МЕРЕКЕСІНЕ ОРАЙ ШАҒЫН ФУТБОЛДАН ЖАРЫС БАСТАЛДЫ

Хромтау аудандық білім беру қызметкерлерінің кәсіподақ ұйымы мен «Хромтау аудандық білім бөлімі» ММ-нің ұйымдастыруымен Тәуелсіздік күні мерекесіне орай білім беру қызметкерлері арасында шағын футболдан жарыс басталды. №6 Хромтау гимназиясында өткен салтанатты ашылуда Хромтау аудандық білім беру қызметкерлерінің кәсіподақ ұйымының төрайымы Гульжан Аканова жиналғандарды келе жатқан үлкен мереке Тәуелсіздік күнімен құттықтап, жылы лебізін білдіріп, жарысқа қатысушыларға сәттілік тіледі.
08.12.2017
ҚҰДЫҚСАЙ АУЫЛДЫҚ ОКРУГІНДЕ АУЫЛ ӘКІМІ НҰРКЕН КӘКІМЖАННЫҢ МҰРЫНДЫҚ БОЛУЫМЕН «ЖҮРЕГІМ ТОЛЫ МЕЙІРІМ» АТТЫ ҚАЙРЫМДЫЛЫҚ АКЦИЯСЫ ӨТТІ

Құдықсай ауылдық округінде ауыл әкімі Нұркен Кәкімжанның мұрындық болуымен «Жүрегім толы мейірім» атты қайрымдылық акциясы ұйымдастырылып, мектеп оқушыларының Тәуелсіздік күніне арнаған мерекелік кеші өтті. Акция аясында ауылдың табысы аз көп балалы отбасылар мен мүмкіндігі шектеулі жандарына қайырымдылық көмек көрсетілді. Ауыл әкімі Нұркен Кәкімжан құдықсайлықтарды алда келе жатқан үлкен мереке Тәуелсіздік күнімен құттықтап, жылы лебізін білдіріп, 5 отбасыға азық-түлік қоржынын табыстады. «Жүрегім толы мейірім» қайрымдылық акциясына ауыл әкімі мен әкімшілік қызметшілері және мектеп директоры мен ұжымы белсене атсалысып, демеушілік көрсетті.
08.12.2017
АУЫЛЫМ – АЛТЫН БЕСІГІМ

Бөгетсай ауылдық мәдениет үйінде «Туған жерге деген сүйіспеншілік Туған елге – Қазақстанға деген патриоттық сезімге ұласады» деген Елбасымыздың сөзін негізге ала отырып, «Болашаққа бағдар: рухани жаңғыру» бағдарламасы аясында «Ауылым – алтын бесігім» атты мерекелік шара өтті. Жастарға туған өлкесінің тарихын, ата-бабаларының асыл мұраларын құрметтеуге және өз жерін сүюге бағытталған этнопедагогикалық тәрбие беруді мақсат тұтқан аталмыш шара Бөгетсай ауылдық мәдениет үйінің директоры Жаңаберген Токиннің ауылдастарына деген жылы лебізімен басталды.
08.12.2017
БӨГЕТСАЙ АУЫЛДЫҚ ОКРУГІНДЕ 1 ЖЕЛТОҚСАН – ҚАЗАҚСТАН РЕСПУБЛИКАСЫНЫҢ ТҰҢҒЫШ ПРЕЗИДЕНТІ КҮНІНЕ АРНАЛҒАН БИЛЬЯРД ОЙЫНЫНАН ЖАРЫС ӨТТІ

Бөгетсай ауылдық мәдениет үйінде 1 желтоқсан – Қазақстан Республикасының Тұңғыш Президенті күніне арналған бильярд ойынынан жарыс өтті. Сайысқа 16 ойыншы қатысып, өзара бақ сынасып 4 ойыншы іріктеліп финалға шықты. Аталмыш шара мәдениет үйінің директоры Жаңаберген Токиннің алғы сөзімен басталып, Мадияр Тілемістің орындауында «Нұр-аға» әнімен мерекелік шараға жалғасты. Шара барысында бөгетсайлықтарды Бөгетсай ауылдық «Ақ-Нұр» мешітінің имамы Берік Жаншин мерекемен құттықтап, қатысушыларға сәттілік тіледі.

Беттер