Жаңалықтар

20.12.2017
ТӘУЕЛСІЗДІКТІҢ АҚ ТАҢЫ

16 желтоқсан – Қазақстан Республикасының Тәуелсіздік күніне арнап Ақжар ауылдық мәдениет үйінде «Тәуелсіздіктің ақ таңы» атты мерекелік шара өтті. Ауыл тұрғындарына Тәуелсіздік күнінде мерекелік көңіл-күй сыйлаған ауыл өнерпаздары әсем әндер орындап, «Наз» би тобы мың бұрала би билеп, қазақы қара домбырамен күмбірлете күй тартты. Мерекеге арналған «Тәуелсіздіктің ақ таңы» ауыл өнерпаздарының өнерлерін тамашалаған ақжарлықтар алғыстарын айтып, көңілді тарқасты.
20.12.2017
ЖАСАЙ БЕР, ТӘУЕЛСІЗ ҚАЗАҚСТАН!

16 желтоқсан – Қазақстан Республикасының Тәуелсіздік күніне арнап Бөгетсай ауылдық мәдениет үйінде «Жасай бер,тәуелсіз Қазақстан!» атты мерекелік шара өтті. Ауыл тұрғындарын айтулы мерекемен Бөгетсай ауылдық округінің әкімі Сердалы Жаназаров құттықтап, жылы лебізін білдірді. Мерекелік шара барысында Альфия Орынбаева,«Ор толқыны» Мырзахметовтер жанұялық ансамблі, Нұрсұлтан Мырзахметов, Нұргүл Дүйсебаева,Әнуарбек Зинеғалиұлы, Берік Әлімжанов сынды ауыл өнерпаздары өз өнерлерін паш етті. «Кәусар» би тобы «Көктем» биін билесе, драма үйірмесінің мүшелері М.Шахановтың «Тасада өскен гүл» атты әніне арнап жазылған Нұргүл Нөкенованың «Тасада өскен гүл» бір актылы пьесасын сахналады. «Қарлығаш» клубының мүшелері Қайрат Қадіров, Асылжан Жасқайратқызы, Көркем Нағашыбаевалар нақышына келтіре мәнерлеп поэзиялық туындылар оқыды.
20.12.2017
АБАЙ АУЫЛДЫҚ ОКРУГІНДЕ ТӘУЕЛСІЗДІК МЕРЕКЕСІНЕ АРНАЛҒАН ВОЛЕЙБОЛДАН ЖАРЫС ӨТТІ

Абай ауылдық округі әкімшілігінің ұйымдастыруымен Тәуелсіздік мерекесіне арналған волейболдан жарыс өтті. Жарысқа «Бөгетсай МГ», «ДӨҢ ОМ», «Оңғар ОМ», «Абай Жастары», «№3 ХОМ» командалары қатысып, өзара бақ сынасп, ауыл әкімі кубогін сарапқа салды. Тартысты ойын көрсетіп, жүлделі І орын мен Абай ауылдық округі әкімінің кубогін «Бөгетсай МГ» командасы жеңіп алса, жүлделі ІІ орынды «№3 ХОМ» командасы иемденді. Ал жүлделі ІІІ орын «Оңғар ОМ» командасына бұйырды. Жеңімпаздар арнайы мақтау қағаздарымен және ақшалай сыйлықтармен марапатталды.
20.12.2017
ТӘУЕЛСІЗДІК МЕРЕКЕСІ АЯСЫНДА ШАҒЫН ФУТБОЛДАН ЖОЛДАСТЫҚ КЕЗДЕСУ ӨТТІ

Тәуелсіздік мерекесі аясында №6 Хромтау гимназиясының базасында шағын футболдан жолдастық кездесу өтті. Хромтау балалар жасөаспірімдер спорт мектебінің ұйымдастыруымен өткен жарысқа 4 команда қатысып, өзара бақ сынасты. Тәуелсіздік мерекесін атап өту және салауатты өмір салтын сақтай отырып, демалыс күндерін тиімді өткізуді мақсат тұтқан шағын футболдан жолдастық кездесуде «Ардагерлер», «Жастар», «Жеңіс», «Хромтау БЖСМ» командалары тартысты ойын көрсетті. Шаршы алаңда шебер ойын көрсеткен «Ардагерлер» командасы І орынды жеңіп алса, ІІ орынды «Хромтау БЖСМ» командасы иемденді.
20.12.2017
ТӘУЕЛСІЗДІК МЕРЕКЕСІНЕ АРНАЛҒАН ХРОМТАУ БАЛАЛАР ЖАСӨСПІРІМДЕР СПОРТ МЕКТЕБІНІҢ ТАЭКВОНДОДАН АШЫҚ БІРІНШІЛІГІ ДӨҢ ОРТА МЕКТЕБІНДЕ ӨТТІ

Қазақстан Республикасы Тәуелсіздігінің 26 жылдық мерекесіне арналған Хромтау балалар жасөспірімдер спорт мектебінің таэквондодан ашық біріншілігі Дөң орта мектебінде өтті. Оқушылардың патриоттық құндылығын ояту, салауатты өмір салтын негізге ала отырып, жастарды дене шынықтыру және спортпен үнемі айналысуға тартуды мақсат тұтқан шара оқушылар арасында өткізілді. Әр салмақ дәрежесіне қарай оқушылар І, ІІ, ІІІ орындармен марапатталды.
20.12.2017
ЕКІНДІК МЕРЕКЕСІ ҚАРСАҢЫНДА ӨТКЕН ЕРКІН КҮРЕС

16 желтоқсан - Тəуелсіздік мерекесі аясында 13-15 желтоқсан аралығында Хромтау балалар жасөспірімдер спорт мектебінің ұйымдастыруымен 2007-2008 жылдары туылған жасөспірімдер арасында еркін күрестен ашық біріншілік өтті. Тəуелсіздік мерекесін насихаттай отырып жастарға патриоттық тəрбие беруді мақсат тұтқан ашық біріншілікке 8 командадан 142 палуан қатысып, 15 салмақ дəрежесінде бақ сынасты. Ақтөбе, Алға, Мұғалжар, Қобда, Ырғыз, Хромтау жəне Жаңаөзен командаларының палуандары тартысты белдесулер көрсетіп, сайыс көркін кіргізді.
20.12.2017
ТƏУЕЛСІЗДІК МЕРЕКЕСІНЕ АРАНАЛҒАН ХРОМТАУ БАЛАЛАР ЖАСӨСПІРІМДЕР СПОРТ МЕКТЕБІНІҢ ВОЛЕЙБОЛДАН БІРІНШІЛІГІ ӨТТІ

№6 Хромтау гимназиясында Хромтау балалар жасөспірімдер спорт мектебінің ұйымдастыруымен 2005-2006 жылдары туылған қыздар арасында волейболдан Тəуелсіздік мерекесіне арналған біріншілік өтті. Жарысқа “Ақтөбе”, “Хромтау-2005”, “Хромтау-2006”, “Алға”, “Байғанин”, “Мартук”, “Соль-Илецк”, “Лисаковск” сынды 8 командадан 80 спортшы қатысты. Волейбол ойынынан 3 күн бойы тартысты ойын көрсете білген командалардың үздіктері анықталды. Жарыс қорытындысы бойынша І орынды “Ақтөбе” командасы жеңіп алса, ІІ орынды “Хромтау-2005” командасы иемденді. Ал ІІІ орынды “Байғанин” командасы қанағат тұтты.
20.12.2017
АУДАНДЫҚ КІШІ СПАРТАКИАДА ӨТТІ

16 желтоқсан - Қазақстан Республикасының Тəуелсіздік күні мерекесіне арналып “Хромтау аудандық білім бөлімі” ММ-нің ұйымдастыруымен № 5 Хромтау гимназиясында 5 сынып билим алушылары арасында аудандық кіші спартакиада өтті.Сайыс нәтижесінде жүлдегер командалар жинаған ұпай санымен анықталды. Оза шығып, ұпай санының басымдығымен І орынды №2 Хромтау гимназиясынын құрамасы жеңіп алса, ІІ орынды №5 Хромтау гимназиясы командасы иемденді. Ал ІІІ орын Бөгетсай мектеп-гимназиясы командасына бұйырды.
20.12.2017
ҚАЗАҚСТАН РЕСПУБЛИКАСЫНЫҢ ТƏУЕЛСІЗДІК КҮНІНЕ ОРАЙ “ЖАС ҰЛАН” БАЛАЛАР МЕН ЖАСӨСПІРІМДЕР ҰЙЫМЫНА ҚАБЫЛДАУ ӨТТІ

№6 Хромтау гимназиясында Қазақстан Республикасының Тәуелсіздік күніне орай "Жас Ұлан" балалар мен жасөспірімдер ұйымына қабылдау салтанатты жиыны өтті. “Жас Қыран” ұйымына 74 білім алушы қабылданса, “Жас Ұлан” ұйымының құрамы жаңа 72 білім алушылармен толықты. Салтанатты жиынға “Хромтау аудандық білім бөлімі” ММ-нің әдіскері Сымбат Маратова қатысып, жиналғандарды мерекемен құттықтап, жылы лебізін білдірді. Шара барысында 1-8 сыныптар аралағында “Жас Ұланнның” ұрандары айтылып, патриоттық әндер шырқалды.
19.12.2017
ТƏУЕЛСІЗДІК МЕРЕКЕСІ ҚАРСАҢЫНДА ХРОМТАУ АУДАНЫНДА БІРҚАТАР ƏЛЕУМЕТТІК НЫСАНДАР АШЫЛДЫ

Елбасы Нұрсұлтан Назарбаевтың салиқалы саясатының арқасында Ел Тəуелсіздігінің 26 жылында жасалған жұмыстардың барлығы халықтың əл-ауқатын көтеруге бағытталғаны баршаға мəлім. Тəуелсіздік мерекесі қарсаңында Хромтау ауданында бірқатар əлеуметтік нысандардың ашылуы осының айғағы екені сөзсіз. Аудан басшысы Аманғали Бердалин мен аудандық мəслихат хатшысы Дəурен Молдашев жəне аудандық ардагерлер кеңесінің төрағасы Қуаныш Ермановтардың қатысуымен Тассай ауылдық округінде құрылысы аяқталған əкімшілік ғимараты ашылып, Учаскелік полиция пункіті пайдалануға берілді.
15.12.2017
БЖЗҚ туралы 5 сұрақ

1. Базалық зейнетақыны есептеу механизмі қашан және қалай өзгереді?
Бүгінде мемлекеттік базалық зейнетақы барлық зейнеткерлерге еңбек өтілдерінің көлеміне қарамастан 14 466 теңге мөлшерінде төленеді (ең төмен күнкөріс деңгейінің жартысынан сәл жоғары). Ал 2018 жылдың 1 шілдесінен бастап ол еңбек өтілі мен жинақтаушы зейнетақы жүйесіне қатысу өтіліне байланысты төленетін болады. Яғни, зейнеткердің 1998 жылдың 1 қаңтарына дейінгі еңбек өтілі және жинақтаушы зейнетақы жүйесіне қатысу өтілі 10 жыл және одан төмен болған жағдайда, базалық зейнетақы ең төменгі күнкөріс деңгейінің 54 пайызын (2018 жылы бұл – 15 273 теңге) құрайды.
14.12.2017
Жеке куәлікті және шетелге шығу төлқұжатын қалай алуға болады?

Жеке куәлікті және шетелге шығу төлқұжатын беру бойынша мемлекеттік қызмет ең көп талап етілетін қызметтердің бірі. Ағымдағы жылдың 11 ай ішінде 1418050 жеке куәлік және шетелге шығу төлқұжаты берілді. Көрсетілген құжаттарды алу үшін азамат міндетті түрде келесідей қадамдарды атқару қажет: 1-қадам –ХҚКО-ның кез-келген фронт-кеңселеріне жолығу.
14.12.2017
БЖЗҚ-да Ашық есік күні өтті

2017 жылғы 12 желтоқсанда Бірыңғай жинақтаушы зейнетақы қоры (БЖЗҚ) филиалдарының барлығында «Зейнетақы жинақтарының сақталуына мемлекеттік кепілдік» тақырыбында Ашық есік күні өтті.
Бірыңғай жинақтаушы зейнетақы қоры зейнетақы жүйесіне қатысты мәселелердің заманауи жай-күйін салымшыларға түсіндіріп, халыққа насихаттауды жалғастыруда. Бұл жолы салымшылар үшін өзектілігі мен маңызын ешқашан жоғалтпайтын зейнетақы жинақтарының сақталуына мемлекеттік кепілдік тақырыбы алынды.
14.12.2017
БЖЗҚ зейнетақы активтерін шетел банктерінің депозитіне инвестициялай бастады

Бірыңғай жинақтаушы зейнетақы қоры зейнетақы активтерін шетел банктерінің депозитіне инвестициялай бастады. Жалпы инвест-портфельде олардың үлесі 5 пайызды құрап отыр. Жыл басынан бері қордың инвестициялық табысы 500 миллиард теңгеге жуықтаған. Ал, жеке зейнетақы шоты бар салымшылардың саны 10 миллионнан асқан. Бүгінде зейнетақы қоры электронды қызмет алу мүмкіндігін жетілдіруді қолға алуда. Қазір оның үлесі 40 пайызды құраса, 2021 жылы 55 пайызға жеткізу жоспарланып отыр. Осы мақсатта жыл аяғына дейін азаматтардың көрсетілетін қызметті қолжетімді ету үшін 10 шақты арнайы терминалдар қойылмақ.
14.12.2017
БЖЗҚ бөлімшелері 2017 жылғы 30-31 желтоқсан күндері жұмыс істейтін болады

«БЖЗҚ» АҚ 2017 жылдың 30 және 31 желтоқсаны күндері барлық операциялық бөлімшелердің таңғы сағат 9.00-ден 13.00-ге дейін жұмыс істейтіндігін хабарлайды. Басты мақсат – БЖЗҚ-дан зейнетақы төлемдерін алу құқығы 2018 жылдың 1 қаңтарына дейін туындаған немесе туындайтын салымшылардың осы төлемдерді рәсімдеу құқығын жүзеге асыру.

Беттер