Аудан әкімі

Алдияров Нағымжан Смағұлұлы - 1975 жылдың 19 ақпанында Ақтөбе облысы, Шалқар ауданы, Байқадам селосында дүниеге келді. 1982 жылы Қорғантұз орта мектебінің табалдырығын аттады. Отбасылық жағдайларға байланысты, 1986 жылы Алға ауданы, Маржанбұлақ орта мектебінде оқуын жалғастырып, 1990 жылы орта білім алып шықты. Орта мектепті бітірген соң Ақтөбе ауылшаруашылық техникумына оқуға түседі. 1995 жылы М.Тынышбаев атындағы Мемлекеттік Қазақ көлік және коммуникациялар академиясына сырттай оқу бөліміне түсіп, 2001 жылы «Темір жол көлігінде тасымалдауды ұйымдастыру инженері» мамандығын алып шықты. 2004 жылы Қ.Жұбанов атындағы Ақтөбе мемлекеттік университетіне түсіп, 2006 жылы «Экономика бакалавры» мамандығы бойынша тәмәмдады.
Еңбек жолын 1997-98 жылдары Алға ауданының Маржанбұлақ ауылдық округінде «Аққайын» өндірістік кооперативінің аға бухгалтері болып еңбек ете бастады. Мемлекеттік қызмет саласында жұмысын ауыл әкімі болып 2005 жылы бастады. 2017 жылдың қараша айынан бастап Алға ауданы әкімі қызметінде болды, 2019 жылдың шілде айынан бастап Хромтау ауданының әкімі болып тағайындалды.
2008 жылы Қазақстан Республикасының және оның астанасының дамуына елеулі үлес қосқаны үшін «Астанаға – 10 жыл» медалімен наградталған.
Отбасылы, 5 ербала тәрбиелеуде.