Сұрақ

СҰРАҚ: Жұмыс беруші қандай жағдайда міндетті кәсіптік зейнетақы жарналарын төлеуге міндетті?
ЖАУАП: Міндетті кәсіптік зейнетақы жарналары 2014 жылдың 1 қаңтарынан бастап енгізілген. «Қазақстан Республикасында зейнетақымен қамсыздандыру туралы» Заңға сәйкес Бірыңғай жинақтаушы зейнетақы қорына төленуге жататын міндетті кәсіптік зейнетақы жарналары жұмыскердің ай сайынғы табысының 5 пайызы мөлшерінде белгіленеді. Бұл жарналарды жұмыс берушілер еңбек жағдайлары зиянды деп саналатын жұмыстармен айналысатын жұмыскерлерінің пайдасына өз қаражаты есебінен төлейді. Еңбек жағдайлары зиянды кәсіптер Қазақстан Республикасы Үкіметінің 2013 жылғы 31 желтоқсандағы N 1562 қаулысымен бекітілген Тізбеде көрсетілген.
Біздің парақшамызға жазылушылар зейнетақы шотынан үзінді-көшірмені БЖЗҚ сайты немесе ұялы қосымшасы арқылы оңай алуға болатынын біледі. https://www.enpf.kz/kz/cabinet/login.php