Өткен жексенбіде Самат Сарсеков пен Руслан Манаспаев Нұр-Сұлтан қаласында WT таеквандодан (пумсэ) ересектер арасында Қазақстан Республикасы чемпионатында жеңімпаз атанды.
Нұр-Сұлтан - Орал бағытындағы пойыздан түскен жеңімпаз жерлестерді жас спортшылар мен әріптестері темір жол вокзалынан құрмет көрсетіп, күтіп алды. - Құрмет-қошеметпен қарсы алып жатқан шәкірттер мен әріптестерге дән ризамыз. Хромтаудың намысын қорғап, үздік атанғанымызға қуаныштымыз. Ендігі мақсат - Азия чемпионы атану, - деді спортшылар.
Спортшылардың айтуы бойынша сайыс тартысты өткен.
Енді мамыр айында Қытай халық Республикасында өтетін Азия чемпионатында чемпион атануларына тілектеспіз!
